Mudirîya Weşîye ya Çewlîgî da zanayene ke bajar de vîrusê Korona binê kontrolî de yo û şarî waşt ke tedbîranê xo rê dewam bikero.
Eşkerayîye de ame vatene ke Çewlîg de 60 kesan ra ekîbê fîlyasonî ameyo raameyene. Nê ekîbî kesê ke pê janî kewtî yan zî şikdarê keyeyê û cayê kara înan êyê ke tede temas bîyî tesbît kenê û seba ke jan vila mebo tedbîran gênê. Reyna dîya vîrardene ke Çewlîg de xebatkarê weşîye pê janî nêkewtî. Ame vatene ke Çewlîg de janê Korona binê kontrolî de yo la ganî şar heta ke tehluke tem wedarîyo tedbîranê xo rê dewam bikero.
Goreyê zanayîşê ke herême ra ameyî girewtene û nêweşxane de 3 nêweşê Korona mendî înan ra di kesî serwîsê ciewnîyayîşê giranî de yê. 8 tenî zî bi şikê janî nêweşxane de binê karantîna de yê. Înan ra tay netîceya testê verêne tay zî ya dîyine pawenê. Bajar de hewteyo peyên de vengê janî çîn o. ÇEWLÎG
