Polîsan Çewlîg de kesan rê ke goreyê qedexeyê vejîyayîşê teberî tênêgêrîyayî cezaya pereyî daye. Bi temamî 101 hemwelatîyan rê qasê 70 hezar û 322 TL cezaya pereyî ameye dayene.
Çarçewa têkoşînê vera Vîrusê Korona de rotişê maskeyan qedexe yo. Şaredarîyê pîlî yê sey Îstanbul, Anqara û Îzmîr roniştoxan rê bi xo maske vila kenê. La şaristananê qijan ê sey Çewlîg de krîzê maske qewimîyeno. Hemwelatîyê ke nêeşkenê maske bihêrînê îfade kenê ke înan seba maskeyan muracatê dewlete kerd la hema zî maskeyî nêresayî înan. Hemwelatîyan waşt ke Şaredarîya Çewlîgî û Walîtîya Çewlîgî maskeyan vila bikerê.
Hetê bînî ra Pîsporê Nêweşîyanê Zereyî Dr. Îlhan Çakabeyî hesabê xo yê Twîtterî ser ra da pêhesnayene ke Çewlîg de Vîrusê Korona asta janî de nîyo. Çakabeyî vat: ”Wextê weşbîyayîşê hemwelatîyan lez o û nêweşê giranî çîn ê. Eke ma tedbîranê xo bigêrê rewşe do holêr biba.”
Dr. Çakabeyî ar ziwan ke netîceya vengdayîşê ‘keye de bimane’ û tedbîran do netîceyê weşî bêrê destvistene. ÇEWLÎG
