Qezaya Dara Hênî ya Çewlîgî de şewato ke 25ê hezîrane de saetanê nêmroje de vejîya bi tesîrê vayî mabênê dewanê Gaz, Xodan, Vartax û Derebagî de vila bibî. Sebebe vejîyayîşê şewatî nîno zanayene û 20 ra zêde cayê cuyayîşî şewatî ra zirar dîyî. Seba ke mudaxaleyo qîmkerde nêno kerdene şewat hema zî dewam keno û vilayê xeylê cayan bî. Şewato ke 3 rojîyo dewam keno de herêma Koyê Spî temamî bi wel û şewat hetê Xereba û Avnikî ra şono. Welatîyê Çewlîgî dîyar kerde ke mudaxaleyo qîmkerde nêno kerdene û coka ra şewat bi lezkî vila beno. Şewato ke herême de vejîya roja 3. de dewam keno. Şewato ke merkezê bajarî ra 3 kîlometre dûr o dûyê ci reseyo merkezê bajarî.
Welatîyê Çewlîgî dîyar kerde ke beşêk zêde ê daristanî veşayo û herêma ke tede qereqol esto de vejîyayîşê şewatî tesaduf nîyo. ÇEWLÎG
