Wesayîto ke Parlamenterê HDPyî yê Çewlîgî Erdal Aydemîr, Hemserekê Partîye yê Bajarî Feyzullah Şeyhanoglu, Îdarekarê Partîye yê Bajarî Ahmet Dere û Endamê Meclîsê Pêroyî yê Bajarî Îmdat Morsumbul tede bî, qeza kerd.
Qeza vizêr cêmê şanî bejrayîrê Kanîreş-Çewlîgî de qewimîya. Heyetê HDPyî gama ke tezîye ra agêrayêne, rîhê pûkî ra wesayîtê ci da wesayîtêkê bînî ro. Qeza de Feyzullah Şeyhanoglu, Ahmet Dere û Îmdat Morsumbul şenik birîndar bîyî. Birîndarî ameyî berdene Nêweşxaneyê Dewlete yê Çewlîgî. ÇEWLÎG
