Dadgehê bi îdayên “Ne endamê rêxistinê ye li ser navê rêxistinê sûc kiriye” û “Li dijî qanûna 2911’an muxalefetiyê kiriye” 3 sal û 10 meh cezayê hepsê li parlamenterê HDP’ê Îmam Taşçier birî
Bi hinceta parlamenterê HDP’ê yê Amedê Îmam Taşçier beşdarî meşa di serdema qedexeya derketina derve ya li navçeya Sûrê ya Amedê bûye ji 3 sûcdariyên cuda doz lê hatibû vekirin. Danişîna biryara dozê li 7’emîn Dadgeha Cezayê Giran a Amedê hat dîtin. Taşçier beşdarî dozê nebû, parêzerên wî Sedat Çinar û Soran Haldî Mizrak di danişînê de amade bûn.
Parêzeran xwest ji ber miwekîlê wan parlamenter e darizandina wî bê sekinandin lê heyeta dadgehê daxwazê red kir. Parêzeran parastina miwekîlê xwe kir û berata wî daxwaz kirin.
Heyeta dadgehê ji sûcê “propagandaya rêxistinê” Taşçier beraet kir û ji îdayên “Ne endamê rêxistinê ye li ser navê rêxistinê sûc kiriye” û “Li dijî qanûna 2911’an muxalefetiyê kiriye” 3 sal û 10 meh cezayê girtîgeh lê birîn. AMED
