Roniştişê dewaya Hemsereka Kongreya Komelê Demokratîkî (KCD) Leyla Guvena ke 18 sûcanê cîya-cîyayan ra yena muhakemekerdene 9. Mehkemeya Cezaya Girane ya Amedî de ame kerdene. Roniştişo ke Guvene tewrê ci nêbîye de avûkatê ci Cemîle Turhali Balsak, Serdar Çelebî û Şivan Cemîl Ozerî tewrê ci bîyî.
Dozgerî bi îdîaya ”ronayîş, îdarekerdiş û endamîya rêxisitene” ra waşt Guvene bêra cezakerdene. Heyetê mehkeme derheqê Leyla Guvene de qerarê cezaya 22 serran û 3 mengan û tepiştişî da. AMED
