Cezaya muebeto giran dîya camêrdo bi nameyê Metehan Yurdogluyî ke cinîya xo Gullu Yurdogluye kişt
Camêrdo bi nameyê Metehan Yurdogluyî serra 2017î de bajarê Bûrsa de cinîya xo ya 21 serrî Gullu Yurdogluye qetilkerdbî. Metehan Yurdogluyî veyveyê xo ra rojêk dima aye qetil kerdbî. Metehan Yurdoglu badê hedîse bi sucdarîya ‘Merdimê xo yê nizdî kişt’ ame tepiştene û muhakemekerdişê ci dewam keno. Roniştişê doza Metehan Yurdogluyî 1. Mehkemaya Cezaya Giran ya Bûrsa de ame vînayene. Avûkatê Wezîrîya Karê Komelî û Xebatanê Keye Fûnda Akdogan Gîrgîn, avûkatê gerrekaran Mûstafa Canbaz, avûkatê sucdar Esat Şen û merdimê keyeyan tewrê roniştişê doze bîyî.
Avûkatê sucdar Esat Şen waşt ke raporê Metehan Yurdogluyî yê deluyo ya nê Dezgeyê Tibê Edlî (ATK) yê Stenbolî ra bêro waştene. Heyetê mehkema no waştişê avûkatê keso sucdar red kerd.
Heyetê mehkema dima ra sucê ‘Merdimê xo yê nizdî kişt’ ra cezaya muebeto giran da û sucê ‘Azadîya merdimî ra veradayîş’ 6 serr cezaya zîndanî da Metehan Yurdogluyî. BÛRSA
