Li Qamişloyê li salona Konferansê ya Akamediya Çandiniyê ya Zanîngeha Rojava bi tevlibûna xwendekar, rewşenbîr, nûnerên partiyên siyasî semînerek hat dayîn.
Di semînerê de ku li ser bernameya Zoom pêk hat, rewşenbîr û nivîskarê DYE’yî Noam Chomsky axivî.
Chomsky anî ziman ku Rojava di pêvajoyeke zehmet re derbas dibe û wiha got: “Pirsgirêka esasî êrîşên dewleta tirk a li ser erêkirina DYE’yê dê çawa were têkbirine. Dîsa li aliyê din wê li hember nêzîkatiyên hikûmeta Şamê rêyek çawa bê şopandin. Heta niha Rojava hebûna xwe da domandin mûcîze ye. Ji ezmûnan em dizanin ku desteka navneteweyî mimkûn e.
Chomsky bal kişand ser Joe Bîden ê weke serokê DYE’yê hat hilbijatin û Rojhilata Navîn û wiha pêde çû: “Eger ku zextên gel nebe, wê Bîden sîstema parastina dewlemendiyên heyî yên DYE’yê bidomîne. Dibe ji Trûmp cuda be. Lê divê pir li benda hêviyan jî nemîne. Divê li ser vê mijarê her kes zextê li Bîden bike. Ne di wê baweriyê de me ku Bîden mîna Trûmp hov bibe. Ne di wê baweriyê de me ku mîna Trûmp erê bike û çavê xwe li qetilkirina kurdan bigire.”
Nivîskar û rewşenbîr Chomsky pêşniyar li rêveberiya Rojava kir û wiha got: “Tişta yekem bê kirin, divê tevgera jinan bixin bin ewlekariyê. Gavên di vê mijarê de yên li Afrîkaya Başûr serketî bûn. Ev yek jî yekane hêviya we ye. Bakur û Rojhilatê Sûriyeyê nirxekî pir mezin e. Divê hemû cîhan vê nirxê Şoreşa Rojava bibîne. Bi desteka gel hûnê bigihêjin armancên xwe.” QAMIŞLO
