Şaredarê Herêma 8. ya Roma Amedeo Ciaccheriyî derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.
Ciaccheriyî seba ke hêrişê veera kurdan zêdîyayî seba paştdayîşî Merkezê Kulturê Kurdan ê Araratî yê Roma zîyaret kerd û paştdayîşê xo yê bi têkoşînê kurdan eşkera kerd. Ciaccheriyî vat: ”Seba azadîya Birêz Ocalanî ez ameya tîya. Azadîya Birêz Ocalanî seba çepa Ewropa û Îtalya meseleya têkoşînî ya. Têkoşînanê Ewropa de hewceyê ma bi azadîya Abdullah Ocalanî est a.
Ganî Parlamentoyê Ewropa vera tecrîdî bêveng nêmano. Ma bi Meclîsê Şaristanî yê Roma xebitîyenê ke babeta azadîya Ocalanî berê Parlamentoyê Ewropa. Abdullah Ocalan Roma de mendbi û paştdayîşê ma yê seba Ocalanî hertim do dewam bikero.” ROMA
