Çapemeniya hikûmeta Şamê da zanîn ku civîna cîgirên wezîrên karên derve yên Sûriye, Rûsya, Îranê û Tirkiyeyê li paytexta Rûsyayê Moskovê dest pê kiriye.
Ev dan û standin di demekê de tên kirin ku hikûmeta Şamê bi israr e têkildarî vekişîna artêşa tirk a dagirker ji Sûriyeyê, rawestandina piştgiriya komên çeteyan garantiyan dixwaze û dewleta tirk jî dixwaza vê civînê ji bo hilbijartinan bi kar bîne.
Rojnameya El Weten a hikûmeta Şamê ku agahiyên xwe spartin çavkaniyan, got: “Heta niha aliyê Tirkiyeyê li ser tevlibûna cidî ya van dan û standinan li gorî van bingehan, tu daxuyanî nedane. Tirkiyeyê tevlibûna van dan û standinan li ser van bingeh û sozdayîna vekişîna ji xaka Sûriyeyê, red dike. Ev tê wateya ku dê civîn negihêje encamên ku bikarin li gorî wan ber bi gava din a siyasî û ewlehiyê ve biçin.”
