Komelê Îslamê Demokratîke (CÎK) yê Kurdistanî Qirkerşê Êzidîyan şermezar kerd û va: “Kesê ke xo ra vanê Musluman û hemverê nê qirkerdişî de veng nêvejenê, no seba înan hem webalê axîrete yo û hem zî yê dinya yo.”
Komelê Îslamê Demokratîke (CÎK) bi wesîleya serrgêra Qirkerdişê Şengalî ewro eşkerayîya nuştekîye daye.
Eşkerayîya CÎKî wina ya: “Kesê ke qirkerdiş kerdo û înan ra bîyê destek ma înan şermezar kenê, ma Homayî ra wazenê ke bi xezebê xo dorê înan bigêro. Seba kesanê barbaran ê ke nê wehşetî bica ardo bêrê cezakerdene ma anê vîrî ke ganî ma pêro mesuldarîyanê xo bica bîyarê. Hetê ke dînî seba îqtîdarê xo şuxulnenê musebibê esilî yê nê felaketî yê. Kesê ke xo ra vanê Musluman û hemverê nê qirkerdişî de veng nêvejenê, no seba înan hem webalê axîrete yo û hem zî yê dinya yo. Ma dejanê şarê xo yê Êzidîyî pare kenê, soz danê ke ma do pîya û bi tîfaqî mucadeleyêkê hîna xurtî rayra berê. Raste wedartişê perçebîyayîşê şarê ma sey wezîfeyêko lezgîn vernîya ma deyo.” AMED
