Navenda Nûçeyan |
Civaka Îslamî ya Kurdistanê (CÎK) û Konfederasyona Civakên Kurdistaniyên li Elmanyayê (KON-MED) bi daxuyaniyeke nivîskî Cejna Qurbanê pîroz kirin.
CÎK’ê di peyama pîrozkirinê de ev tişt anî ziman: “Di serî de li Başûr, Rojava, Bakur û Rojhilat ciwanên me yên leheng ji bo gelê me ji aliyê zaliman ve neyên kirina qurban, têkoşîneke bê eman dikin. Têgeha îslamê tê wateya aştî û radestkirina mafan. Divê em rê nedin ku ola me ji bo rijandina xwînê bê bikaranîn.”
Konfederasyona Civakên Kurdistaniyên li Elmanya (KON-MED) jî cejnê pîroz kir û wiha got: “Ev cejn jî di nava şer û tundiyê de tê pîrozkirin. Di van rojên ku li Rojhilata Navîn êrîşên mezin li ser nirxên cejnê tên kirin, ev êrîş jî ji aliyê hêzên ku maskeya îslamê li xwe kirin ve tên kirin, dike ku cejin hê biêş û xemgîn bê pîrozkirin. Cejna Qurbanê û hemû cejn banga jiyana gelan a azadî demokratîk, edalet û wekhev, dîsa parvekirin e.”
