Kampanyaya hetkarîye ya Komelê Îslamî yê Kurdistanî (CÎK) ya ke semedê mexdûranê erdlerzî dabî desptêkerdene, dewam kena. Çarçeweya kampanya de hetkarîya hendê 292 hezar euro ke semedê mexdûranê erdlerzî ameye arêdayene, Heyva Sor a Kurdistanî rê ameye teslîmkerdene.
Îdarekaranê CÎKî merkezê Heyva Sor a Kurdistanî hetkarî teslîmê îdarekaranê Heyva Sor a Kurdistanî kerde. Heyva Sore do hetkarî biresno mexduranê erdlerzî. Îdarekaranê Heyva Sor a Kurdistanî û CÎKî dima eşkerayîye daye, bale ante muhîmîya paştîdayîşî ser û veng da ke wa kampanyaya hetkarîye bêrê xurtkerdene.
