Çîn seba ke elektrîkî biresno dinya, wazeno ke fezaye de santralêkê tîje awan bikero.
Dêvê Asyayî Çîn, eşkerayîyêk daye ke ê amade yê ke mabênê 2021-2025î de stratosfer de projeyê xo yê çewlîgêkê tîje bidê destpêkerdene. Goreyê medyaya Çînî, dimayê nê santralê verênî, zereyê 20 seran de santralêko xurtêr do bêro awankerdene. Fikro ke bi enerjîyê fezaye Dinya bêra weyîkerdene, xeylî wext o xeyalê merdiman ê zanyaran de ca gêno.
Nê projeyî ser o teyna Çîn nêfikirîyeno. Ajansê Fezaye yê Ewropa, destpêkê serranê 2000î ra nat seba na babete grubêka xebatî awan kerde. Dewletê Yewbîyayeyî yê Amerîka (DYA) zî na babete ser o vindena. Par, California Institute of Technology prototîpêk da ke eşkeno enerjîyo ke fezaye de kom beno, bido neqlkerdene. Eke Çîn fezaye de santralê enerjî awan bikero, rewşa ey a ke welatanê bînan teqîp kena do bivurîya û bibo neteweyo rayber. PEKÎN
