Cinîya bi nameyê Ayla Seyîtoglûya ke nêweşîya rîşa merdimwere aye de esta, saetanê serê sibayî de netîceyê sereştişê keyeyî de hetê leşker û cendirmeyan ra ameye tepiştene û aye ra waştî ke tewrê çalakîya verê berê awanîya HDPyî biba. Seyîtoglûya ke no ferzkerdişî qebûl nêkerde ameye tepiştene. Ame zanayene ke Seyîtoglûye tedawîya kemoterapî vînena
Leşkeran saetanê serê sibayî de eştî dewa Serde ya qezaya Hênê ya Amedî keyeyê cinîya bi nameyê Ayla Seyîtoglûya 50 serrî ke nêweşîya rîşa merdimwere aye de esta ser. Leşkeran eştî keye ser û Seyîtoglûye ra vatî ‘Domanê to koye de yo. Şo verê awanîya HDPyî ya Amedî û ewja de ruşe.’ Labelê Seyîtoglûye seba e ferzkerdişê înan qebûl nêkerde ameye tepiştene. Sebebê tepiştişê Seyîtoglûye nêameye zanayene. Eynî wext de nîno zanayene ke leşkeran Seyîtoglûye berdî kamî ca. Ame zanayene ke Seyîtoglûye de nêweşîya rîşa merdimwere esta û tedawîya kemoterapî vînena.
Amed de di kesî ameyî tepiştene
Sewbîna het de polîsan reyna saetanê serê sibayî de eştî keyeyê rayîrberê Partîya Demokratîke ya Şaran (HDP) yê Amedî Şexmûs Şenyîgîtî ser hemwelatijê bi nameyê Yilmazî ke peynameyê ci nêame zanayene tepiştî. Polîsî cigêrayîşê keye de heme eşyayaê keye serûbin kerdî û Şenyîgît û Yilmazî tepiştî. Sebebê tepiştişê wirdî kesan zî nêame zanayene û îna berdî Mudirîya Polîsan ya Bajarî. AMED
