16ê temmuze de qezaya Qûbînî ya Êlihî de cinîya ciwane Î. E.ya ke raştê tecawuzê çawişo pîspor yê artêşa tirke Musa Orhanî ameybî, cehd kerdbi ke xo bikeşa. Î. E. ya ke peynîya xo de mektubêk nuşt û tede qala serebûtê tecawuzî kerde, nêweşxane de cuya xo vindî kerde.
Leşkerê tirkî yo tecawuzkaro ke badê gerreyê keyeyî ame destbendkerdene rixmê raporê Tibê Edlîyî ke tecawuzî îspat keno zî serbest ame veradayene.
Keyeyê Î.E. semedê paştdayîşê huqûqî muracatê Komeleya Heqê Merdiman (ÎHD) yê Şubeyê Êlihî kerd. ÎHDyî bi nameyê keyeyî muracatê Serdozgerîya Komare ya Sêrtî, Wezîrîya Pawitişî ya Netewe û Komîsyonê Heqanê Merdiman ê Meclîsê Tirkî kerd ke wa tehqîqet bêro destpêkerdene û derheqê babate de melumat bîgêrê. ÊLIH
