Meclîsê Cinîyan ê Partîya Demokratîke ya Şaran (HDP) yê Amedî seba ke bale binacê grevê vêşanîye yê tepişteyan ê vera tecrîdê Îmraliyî ser waşt ke verê Zîndanê Girewteyî yê Tîpê Dyî yî Amedî de eşkerayîya çapemenîye bidê. Polisan hêrişê cinîyan kerd, cinîyan pê slogananê xoverdayîşî cewab da.
Verê eşkerayîye polîsan pê TOMAyan rayîr û cayê çalakîyê girwtê binê albûqa. Wekîlê HDPyî yê Amedî Semra Guzel, Remzîye Tosun, îdarekarê TUAY-DER û MEBYA-DERî û merdimê tepişteyan verê zîndanî de ameyî têhet. Polîsan sey di gruban çalakwanî kerdî ciya û girewtî binê ablûqa. Seba ke destûr nêdîya eşkerayîye cinîyî şiyê banê HDPyî yê Kayapinarî. Polîsan ûca zî girewt binê ablûqa. Cinîyan waşt verê berî de eşkerayîye bidê. Polîsan reyna destûr nêda.
Bado ke polîsan dormeyê cinîyan girewt, Remzîye Tosun vat: ”Ma waşt ewro verê zîndanî de eşkerayîye bidê la polîsan nêverda. 76 rojî yo zîndanan de grevê vêşanîye esto. Ma do semedê haştîye û huzurî tim meydanan û vengê nê tepişteyan heme dinya rê bidê eşnawitene.”
Dima ra polîsan cinîyî kaş kerdî bahçeyê banê partîye. Nayî ser o cinîyan pê slogananê ”Ma do miheqeq ser bikewê”, ”Îmraliyî rê hezar selamî”, ”Wa biciwîyo xoverdayîşê zîndanan”, ”Kurdsîtan do faîzmî rê bibo mezel” û ”Tepişteyanê sîyayayan rê azadîye” caweb da polîsan. AMED
