Derheqê tepişîyayîşê Hemsereka Kongreya Komela Demokratîke (KCD) û parlementera Colemêrgî ya Partîya Demokratîke ya Şaran (HDP) Leyla Guvene de Meclîsê Cinîyan yê HDPyî, Meclîsê Cinîyan yê Kongreya Demokratîke ya Şaran (HDK), Meclîsê Cinîyan yê Partîya Herêmê Demokratîkî (DBP), Meclîsê Cinîyan yê KCDyî, Xelisîyayîşê Cinîyan, Endamê Platformê Paştîdayîşî yê Sosyalîstan, Meclîsê Cinîyan yê Sosyalîstan (SKM), Meclîsê Cinîyan yê Partîya Newîye ya Sosyalîstan (SYKP) û Cinîyê Cepgîrî yê Keskî wertax eşkerayî dayî.
Cinîyan ard ziwan ke bira tepiştişî têna vera Leyla Guvene nê vera îradeyê pêro cinîyan ameye girewtene û bi nê hawayî cinîyî yenê tersnayene. Eşkerayîye de ameparekerdene ke Leyla Guven heta nika vera pêro neheqîyan têkoşînêko pîl da, bedelî dayî û hêrişê îqtîdarî do nêeşkê têkoşînê Leyla Guven asteng bikerê.
Eşkerayîye wina dewam kena: ”Seke Leyla Guven vat ma nêşinê cayêk. No welat welatê ma yo û ma do tede sîyaset bikerê. Polîtîkaya teda û zorbazîye do nêeşka verê ma bigêra. Oyo ke do birijo îqtîdarê serdestîya camêrdan o. Ma do vera polîtîkayanê ke dişmenîya kurd û cinîyan kenê sereyê xo nêrê war.” ANQARA
