Tepişteyê sîyasîyî Sebahat Tuncel, Ayşe Yagci, Meryem Adibelli, Ayla Akat Ata yê ke Zîndanê Sincanî de sey rehîne ameyêne tepiştene, ameyî tehlîyekerdene. Cinîyê hetê TJA, MEBYA-DER, DEM Partî,DBP û OHDyî ra bi slogananê Jin jîyan azadî”, “Bijî berxwedana zindanan” ameyî pêwazîkerdene.
Ayla Akat Ataye nê vatî: ”Sîyaset metodê çareserkerdişê mesele yo. Ewro seba ke ma zîndan ra vejîyayî ganî ma nêşarmîyayêne la ma şarmîyayî. Seba ke ma embazê xo, xo dima verdayî ma şarmîyayî. Înanê ke huqûq nêard zereyê yê zîndanan ganî ê bişarmîyayênî la ma şarmîyayî. Ê ke bîyî sebebê şarmîyayîşê ma eslê xo de ê berpirsîyar ê.”
Sebahat Tuncele ard ziwan Dewaya Kobanê destpêkerdişê xo ra dewaya qesasgirewtişî ya û vat: ”Edalet reyna bi na dewa ame qetilkerdene. Ma pêro sebebê nê zanê. Mehkeme de heyetê ke ma muhakeme kerdî AKPyîjê ke cubeyê kerdbî piray ê bî, Îtîfaqê Cumhurî bi. Eke têkoşîn û xoverdayîş yew ca de est o ûca miheqeq hêvî est a. Ma ewro embazê xo zere de verdayî la soz danê ke ma do heta azadkerdişê înan têkoşîn bikerê.”
Cinîyê ke ameyî tehlîyekerdene pîya bi girseyê ke ame vera ci pîya şîyî Merkezê Pêroyî yê DEM Partî. Tîya xeylêk kesan ê pêşwazî kerdî.
