Hemşaredara Sûrî Filiz Buluttekine bi cinîyanê ke Baxçeyê Hevselî de xebetîyenî reyde ameye tê het. Cinîyan Buluttekine ra awankerdişê bazarêk waştî
Hemşaredara qezaya Sûrî ya Amedî Filiz Buluttekine bi cinîyanê ke Baxçeyê Hevselî de berardişê zerezewatan kenî û mahsulanê xo verê Goristanê Berê Mêrdînî de roşenî reyde ameye tê het. Buluttekine û cinîyî kom bîyî û demêko derg sohbet kerdî. Cinîyan hemşaredar Buluttekine dawetê Baxçeyê Hevselî kerdî û Buluttekine ra awankerdişê bazarêk waştî.
Buluttekine dîyar kerde ke demêko kilm de do waştişê înan bêro caardene û cinîyanê ke Baxçeyê Hevselî de xebetîyenî zîyaret bikera. AMED
