15 tepişteyanê PKK û PAJKîyan seba qedînayîşê tecrîdê giranî yê serê Rayberê Şarê Kurdî Abdullah Ocalanî 30ê Nîsane ra tepîya dest bi rojeyê mergî kerd. Nê tepişteyan ra yewe zî tepişteya PAJKîye Ardil Çeşme ya
Qezaya Licê ya Amedî rixmê heme şidet û hedefgirewtişanê dewleta Tirkî ya îşxalkare de, çi rey game pey de nêeşta. Licê ê cayan ra cayêk o ke xo mîyan ra xeylî qehreman û şorişgêrî vetê û kerdê pîl. Nê qehremanan ra yewe zî Ardil Çeşmeya ke 1ê Adare ra nata seba şikitişê tecrîdê giranî yê serê Rayberê Şarê Kurdî Abdullah Ocalanî grevê vêşanîye yê bêdem û bêagêrayîşî de bîye, 30ê Adare ra nata zî çalakîya xo açarnaye rojeyê mergî.
Hewna emrê qijkekî de derheqê hemrayîye de nûşteyî nûştêne
Çeşme ya ke serra 1973 de qezaya Licê ya Amedî de amî dinya, domana 6. ya keyeyêkê 8 domanan bîye. Keyeyê înan dimayê erdlerzê serra 1975î koçê merkezê Amedî kerd. Çeşme serra 1980 de dest bi perwerde kerd, perwerdeyê xo Amed de qedîna. Çeşmeya ke tim hetê dormeyê xo ra bi coş û rîyê xo yê huyayeyî ameyêne naskerdene, hewna emrê xo yê qijkekî de derheqê hemrayîye de nûşteyî nûştêne.
Wareyê cinîyan de xebatî kerdî
Çeşme serra 1990 de baskê ciwanan ê HADEPî de dest bi xebate kerde, mucadeleyê azadîya cinîyan de güre girewt serê milê xo. Çeşme serra 1990 de awankerdişê Komeleya Cinîyan ê Welatperweran (YKD) de ca girewt û tîya qey demek xebatê cinîyan aver berdî, serra 1993 de zî wareyê cimatkî de Amed de xebatî kerdî. Çeşme dimayo ke xeylî cayanê Kurdistan û Tirkîya de xebatî rayra berdî, tewrê refanê PKKyî bîye û mîyanê mucadeleyî de rolêko aktîf kay kerd.
Prosesê zîndanî bi sirgûnan ravêrto
Çeşme serra 1994 de, merkezê Amedî de bi hemrayêka xo dir amî destbendkerdene û dima ra hetê mehkema ra aye rê cezaya muebbetî ame dayene. Sere de Amed sirgûnê Çewlîg, Mûş û xeylî zîndananê bînan amî kerdene, tewr peynî sirgûnê Zîndanê Gebze yê Tîpê Myî amî kerdene.
Tim bîya perçeyêkê mucadeleyî
Çeşme serra 2012 de seba wedartişê tecrîdê giranî yê serê Rayberê Şarê Kurdî Abdullah Ocalanî 68 rojan kewte grevê vêşanîye. Serra 2012 de ê grevê vêşanîye kenê mazaret û a sirgûnê Zîndanê Tîpa Myî yê Gebze kenê. Dimayê 7 serran a bi heman waştişî 1ê Adare ra nata seba paştdayîşê grevê Leyla Guvene û zîndanan tewrê grevî bena. Çeşme 30ê Nîsane ra nata çalakîya xo resnaye dereceyêka berzêre û tewrê rojeyê mergî bîye. Çeşmeya ke her wextê aye bîyo perçeyêkê xoverdayîşî 25 serrî yo zîndan de ya. AMED 
