Bi dirûşma ‘Bi yekitiya jinan em ê civakeke demokratîk û azad ava bikin’ civîna jinên bakur û rojhilatê Sûriyeyê dest pê kir
Jinên bakur û rojhilatê Sûriyeyê bi dirûşma ‘Bi yekitiya jinan em ê civakeke demokratîk û azad ava bikin’ li Salona Zana ya bajarê Qamişloyê li hev civiyan.
Civîn li ser asta jinên bakur û rojhilatê Sûriyeyê tê lidarxistin. Jinên ji pêkhateyên êzidî, suryan, ermen, tirkmen, kurd, ereb û çerkez di civînê de amade bûn.
Rêveberiya jinan a Tebqa, Reqqa, Dêrazor, Minbicê û hemû sazî, rêxistinên jinan ên bajarên bakur û rojhilatê Sûriyeyê û saziyên jinan ên serbixwe tev li civînê bûn.
Armanca civînê ew e ku piştî têkçûna DAIŞ`ê ji bo avakirina Sûriyeyeke nû, destûra Sûriyeyê û mayîndekirina deskeftiyên li Sûriyeyê nîqaş bên kirin. Her wiha di dawiya civînê de dê sîwaneke nû ji bo hemû jinên Bakur û rojhilatê Sûriyeyê bê avakirin.
Her wiha civîn piştî re ji çapemeniyê re girtî berdewam kir. QAMIŞLO
