Endamên Komeleya Ciwanên Welatparêzên Kurdistanê û Rêxistina Jinên Ciwan ên Têkoşer li Silêmaniyê çûn serdana çalakgerên li Komela Karkerên Mezopotamya li dijî tecrîdê di greva birçîbûnê de ne
Li Komela Karkerên Mezopotamya ya li Silêmaniyê greva birçîbûnê ya bêdem û bidorveger a bi daxwaza rakirina tecrîda li ser Rêberê Gelê Kurd Abdullah Ocalan hatiye destpêkirin, di roja 154’emîn de didome. Her wiha Merwan Memduh Ozdemîr jî li dijî tecrîdê 3 roj in di rojiya mirinê de ye.
Endamên Komeleya Ciwanên Welatparêzên Kurdistanê û Rêxistina Jinên Ciwan ên Têkoşer li Silêmaniyê çûn serdana çalakgerên li Komela Karkerên Mezopotamya li dijî tecrîdê di greva birçîbûnê de ne.
Merwan Memduh Ozdemîr pêşwaziya ciwanan kir. Ozdemîr xêrhatina ciwanan kir û diyar kir ku di civakê de rola ciwanen diyar e û ji ber serdanê kêfxweşiya xwe anî ziman.
Her wiha ciwanan laçikên spî weke diyarî pêşkeşî çalakvanan kirin. Piştre ciwanan bi stranên şoreşgerî moral da çalakgeran. SILÊMANÎ
