Hunermendê kurd Ciwan Haco di mîtînga li Stockholmê de diyar kir ku ger Rojava ji dest biçe, dê Rojhilat jî, Başûr jî û Bakur jî ji dest biçin û banga yekitiyê li gelê kurd kir
Ji bo şermezarkirina êrîşên dagirkeriyê yên dewleta tirk û komên çete yên girêdayî wê, li gelek deverên cîhanê kurdistanî û dostên wan daketin qadan û bertekên tund nîşan didin. Di vê çarçoveyê de li bajarê Stockholm ê Almanyayê jî bi tevlêbûna bi hezaran kurdistanî û dostên wan mîtîng hate lidarxistin.
Di mîtîngê de hunermendê kurd Ciwan Haco beşdarî mîtîngê bû û axivî. Heco wiha got: “Ger Rojava ji dest biçe, dê Rojhilat, Başûr û Bakur jî ji dest biçin. Vê wisa qebûl bikin. Dest ji ragehiyê û partiyên siyasî berdin. Em rêzê didin hemûyan jî. Bi berxwedana kurdan re bibin yek. Bila pêşmerge, şervan û gerîla bi hevre bin. Em neçarin ku tifaqa xwe ava bikin. Li dijî me dest bi şer kirin. Zarokên me tên kuştin. Jin tên kuştin. Lê em dîsa dibêjin aştî li ser serê me û çavê me. Bes ew qebûl nakin.” STOCKHOLM
