Navenda Nûçeyan |
Ciwan bi coş û moraleke mezin berê xwe didin nava refên PKK’ê.
Ciwanên ji bakurê Kurdistanê ku yek ji qadên girîng ê têkoşînê ye, bi daxuyaniyekê ragihandin ku tev li nava refên PKK’ê bûne.
Ciwanan diyar kirin ku dê dewleta tirk têk bibin û bang li ciwanên Kurdistanê hemûyan kirin ku berê xwe bidin çiyayên azad.
Heta dewleta tirk a faşîst bê hilweşandin
Di daxuyaniya ciwanan de wiha hat gotin: “Tecrîda giran a dewleta tirk a faşîst a li ser Rêberê me, êrîşên qirker komkujer ên li ser gelê kurd û êrîşên bi rêbazên li derveyî mirovahiyê yên li ser gerîlayan, em ciwanên Kurdistanê radigihînin ku tev li nava refên têkoşîna PKK’ê dibin. Heta ku dewleta tirk a faşîst hilweşînin em ê di pêngavên azadiyê yên şoreşgerî yên Cenga Xabûrê û Bazên Zagrosê de şer bikin.”
Di daxuyaniyê de zext û zordariya rejîma AKP-MHP’ê ya li ser gelê kurd hat bibîrxistin û hat destnîşankirin ku ew gotina ‘Me bi ciwanî dest pê kir, em ê bi ciwanî bi ser bikevin’ ê Rêberê Gelê Kurd Abdullah Ocalan ji xwe re dikin pîvana esasî û wiha hat vegotin: “Li se vê bingehê divê her ciwan bi rengekî xurt tev li nava têkoşîna şoreşgerî bibe. Li ser bingeha gerîlabûnê tev li bibe.
Em radigihînin ku li dora ruhê berxwedanê yê Cenga Xabûrê û Bazên Zagrosê yên gerîla de em ê Têkoşîna Şoreşgerî ya Kurdistanê bi ser bixînin, rejîma dewleta tirk a faşîst têk bibin. Li ser vê bingehê em bang li ciwanên Kurdistanê yên welatparêz dikin ku li ser bingeha pêngava ‘Werin Cenga Azadiyê’ de li çiyayên Kurdistanê tev li nava refên têkoşîna şoreşgerî ya PKK’ê bibin.”
