Yew qefleyê ciwanan ke vat ê mewzîyanê gerîlayan sey dergahê xo yê heqîqetî vînenî tewrê refanê gerîlayan bi. Ciwanan ke koyanê Kurdîstanî de bi eşkerayîyêke tewrbîyayîşê xo da pêhesnayene nê vatî.
”Wazenê ke cuyeyêka bê Rayberîye ma rê bidê qebulkerdene. Nizdê çar serran o ke Rayber Apoyî ra qet xeberêke nîna girewtene. Cuyeya Rayber Apoyî binê tehlukeyî de ya. Ma sey ciwananê Apoyîyan vanê ke ma bê Rayberîye hinî yew sanîye zî qebul nêkenê. Ma vera tecrîdê 26 serran, bi îrade û rûhê ke şehîdanê ma mojna ra,verê xo danê Rayberîye û koyanê azadan.
Vera hêrişanê qirkerdişî gerîlayê YJA Star û HPGyî Zap, Avaşîn, Metîna de destanê xoverdayîşî nusenê û bi operasyonanê şorişgêran hesab persene. Wextê winayênî de ganî her kes wezîfeyê xo bîyaro ca. Wa pêro ciwanî û şarê ma yo erjîyaye nê bizano ke binê versîya faşîzmî de cuyayîş nêbeno. Ma nê sîstemê qirkerî çirey qebul nêkenê.
Ma vîrameyîşê hemrayanê xo Bişeng, Sara û Tolhildanî yê ke ruhê xoverdayoxî yê cinîyan û ciwanan temsîl kenê, sey pusula genê û bi ruhê înan ê şervanî tewrê Rayberîye benê. Ma mewzîyanê gerîlayan sey dergahê xo yê heqîqetî vînenî. Ciwanê ke wazenê azad û bianor biciwîyê cayê înan koyê azad ê. Na çarçewa de ma veng danê ciwanan ke wa tewrê refanê PKK û PAJKî bibê. Bêrê ma rayîrê Bîşengan, Sarayan û Tolhildanan de aridê xoverdayîşî gir bikerê.”
