Li başûrê Kurdistanê koma 11’emîn a ciwanan li dijî êrîşên dewlet tirk a dagirker ên li ser bakur û rojhilatê Sûriyeyê bere xwe didin Rojava û tev li Berxwedan Rûmetê bûn
Hêrsa gelê Başûrê Kurdistanê li dijî êrîşên dagirkeriya dewleta Tirk ên li ser bakur û rojhilatê Sûriyeyê her ku diçe mezintir dibe. Ji bilî xwepêşandan, boykotkirina malên tirk û daxwaza derxistina hêzên dewleta tirk ên li Başûr, ciwan jî pêl bi pêl berê xwe didin Rojava.
Koma 11’emîn a ciwanên Başûr li dijî êrîşên dewleta tirk ên dagirkeriyê tev li Berxwedana Rûmetê ya Rojava bûn.
Piştî ku dewleta tirk a dagirker di 9’ê Cotmehê de dest bi êrîşên xwe yên li ser bakur û rojhilatê Sûriyeyê kir, ciwanên Başûr jî li hember êrîşan seferberî ragihandin. Heta niha 10 kom çûn Rojava û tev li Berxwedana Rûmetê bûn.
Hat diyarkirin ku li gel koma 11’emîn hejmara ciwanên ku tev li Berxwedana Rûmetê bûne derket 80 kesî û hat gotin ku hejmareke zêde ciwan jî bi înisiyatîfa xwe diçin Rojava. SILÊMANÎ
