Xwendina pirtûkên Rêber Apo her çê diçe belav dibe. Kolektîfa Ciwanên Enternasyonalîst ku xwendekarên Zanîngeha Lozanê di nav de ne, di çarçoveya pêngava ’Ji Abdullah Ocalan re ji pirsgirêka kurd re çareseriya siyasî’ çalakiya xwendinê li dar xist.
Çalakiya destpêkê ya li Sendîkaya Unionê pêk hat, çalakiyên xwendinê ku wê heta 10’ê kanûnê dewam bikin. Di çalakiyê de beşên ji pirtûkên Abdullah Ocalan ên li ser azadiya jinê hatin xwendin û nîqaşkirin. Her wiha têkoşîna jinên cîhanê û girîngiya bicihanîna fikrên Abdullah Ocalan hatin nirxandin.
Çalakiyê bi nîşandana sînevîzyona li ser têkoşîna Tevgera Jinên Kurd dewam kir. Çalakiyên xwendinê wê bi 30’ê cotmehê bi mijara ‘Ekolojiya Civakî’ û danasîna kovara ‘Lêgerîn’, di 14’ê Mijdarê de bi mijara ‘Konfederalîzma Demokratîk’ û heta 10’ê Kanûnê li Pole Sud’ê dewam bike.
