Bi dehan ciwanên Herêma Cizîrê ji pêkhateyên kurd, ereb û suryan, li ser bangawaziya Tevgera Ciwanên Şoreşger a Sûriyeyê di çarçoveya pêngava KCK`ê de ji bo şermezarkirina êrîşên dewleta tirk ên li dijî Kurdistanê û tecrîda ku li Rêberê Gelê Kurd Abdullah Ocalan hatiye ferzkirin, li pêşiya stada Heysem Keco ya li bajarê Qamişloyê kom bûn û bi dirûşam ‘Dem dema azadiyê ye teqez em ê bi ser kevin’ ber bi bajarê Dêrikê ve dest bi meşeke dirêj kirin.
Ciwanan cilên spî ku wêneyê Ocalan li ser in li xwe kirin. Bi vê yekê asta girêdana xwe bi fikr û felsefeya Ocalan re nîşan didin.
Li gorî komîteya orgenîzeyê meşê, ev meş dê sê rojan bidome û dê li navçeyên Tirbespiyê, Çilaxa û Girkê Legê bimeşin heta bigihêjin bajarê Dêrikê. QAMIŞLO
