Meclîsa Ciwanên Sûriyeya Demokratîk têkildarî pêngava cîhanî “Ji Rêber Abdullah Ocalan re azadî û ji pirsgirêka kurd re çareseriya siyasî” ku ji hêla dostên kurdan ve li seranserê cihanê hat destpêkirin li parka 4’ê Nîsanê ya Hesekê daxuyanî da.
Daxuyanî ji hêla endamê meclîsê Ehmed Elî ve hat xwend. Ehmed Elî got ku 25 sal ji ser girtina Rêberê Gelê Kurd Abdullah Ocalan re derbas bûn û li girtîgeha Îmraliyê tecrîdeke dermirovî û derexlaqî tê meşandin. Elî diyar kir ku tecrîd li dijî pîvanên navneteweyî û sûcekî dermirovî ye.
Elî rsgihsnd ku meclîsa ciwanan beşdarî pêngava cîhanî ya azadiyê dûdibin û wiha got: “Em Meclîsa Ciwanên Sûriyeya Demokratîk bi hemû rêxistinên, partî û rêxistinên jinên ciwan û ciwanên demokratîk, bi coş tevlî vê pêngavê dibin. Em tecrîda girankirî ya li ser Rêbertî ya hatiye ferzkirin şermezar dikin û daxwaza azadiya wî ya fîzîkî dikin. Em bang li tevahî gelên bindest, jin û ciwanan dikin ku tevlî pêngavê bibin û piştgiriyê bidinê, da ku armancên Rêbertî yên avakirina Rojhilateke Navîn a demokratîk û azad ji bo tevahî gelan û mirovan pêk were.”
