Tecrîda girankirî ya li ser Rêberê Gelê Kurd Abdulah Ocalan dewam dike, roj bi roj tecrîda li Îmraliyê girantir dibe. Dijî tecrîdê û ji bo azadiya fizikî ya Rêber Ocalan, ciwanên êzidî dest bi çalakiyan dikin.
Nûnera Yekitiya Jinên Ciwanên Êzidî û Yekitiya Ciwanên Êzidî Cîhan Şengalî der barê çalakiyên bên lidarxistin de axivî.
Cîhan destpêkê bang li hemû ciwanên êzidî kir da ku dijî tecrîda giran a li Îmraliyê bêdengiya xwe bişikînin.
Cîhan Şengalî da zanîn ku roj bi roj tecrîda li ser Rêber Ocalan giran dibe, malbat û parêzer nikarin biçin Îmraliyê, ji bo wê jî bang li her kesê kir ku bi erka xwe rabin û got ku dê weke ciwanên êzidî ji bo şikandina tecrîdê dest bi çalakiyan bikin û çi bikeve ser milê wan bikin.
Her wiha Cîhan wiha bang li ciwanên Şengalê kir: “Êdî ji tecrîdê re bes e, divê hemû ciwanên Şengalê ji bo Rêberê xwe rabin ser pêyan. Em dest bi çalakiyan dikin, li ser tecrîda girankirî ya li Îmraliyê, em ê li hemû gund û navçeyên Şengalê bi ciwanan re bicivin. Em ê di 25’ê cotmehê de jî li Kersê meşek girseyî lidar bixin. Di 6’ê mijdara 2021’an de jî li Komelgeha Borik bi pêşengiya ciwanan meş lidar bixin. Em bang li hemû kesan dikin ku xwedî li Rêber Apo derkevin.” ŞENGAL
