Goreyê xebera Ajansê Mezopotamya vizêr saete 3 de leşkeran dewa Bêruhî ya qezaya Robarokî ya Colemêrgî de ciwanî ser o guleyî raşayî. Hêrişê leşkeran de Ozcan Erbaşo 16 serre cuya xo vînî kerd.
Sabrî Erbaşo ke birazîyê xo yo ke gule gina paştîya ci ro wedarit û vat: ”Ma seba arêdayîşê belûyan 3-4 kesî şînî Bêrûh. La leşkeran guleyî eştî înan ser. Qereqolê Mamreşanî û yê Gerdinî no kerd. Dima ma pê hesîyayî ke ma şîyî. Ma û leşkerî ma qirikê yewbînan girewt. Leşkeran nêverda ma dest bierzê birîndaranê xo. Mi birazîyê xo paştîya xo de ard heta serê rayîrî. Guleyêk ginabi paştîya ci ro. Ma seba otopsî o berd Nêweşxaneyê Dewlete yê Colemêrgî.”
Wekîlê Partîya Demokratîke ya Şaran (HDP) yê Colemêrgî Saît Dedeyî zî derheqê serebûtî de twitterê xo ser wina vat: ”Reyna ciwanêko kurd, reyna înfazêko bêwijdan. Ewro leşkeran Ozcan Erbaşo 16 serre kişt. Ma zanenê ê do pê zirxê bêcezaverdişî bêrê pawitene. La se serrî zî derbaz bibê ma do hesabê ci bipersê.” COLEMÊRG
