25ê teşrîna verêne de 11 rojnamegerê kurdî sereştişan de ameybî destbendkerdene. Komîteya Pawitişê Rojnamegeran (CPJ) derheqê nê rojnamegeran de eşkerayîyêke daye û waşt ke rojnamegerê kurdî vera bidîyê.
Koordînatora Programê Asyaya Mîyanêne û Ewropa ya CPJyî Gulnoza Said vat: “Meqamanê tirkan çarçewa tehqîqatanê nimiteyan de bi fermanê mehkemeyan reyna xeylêk rojnamegerî azadîye ra bêpar verdayî.”
CPJyî vist vîrî ke 16ê hezîrane de zî 16 rojnamegerê kurdî tepişîyabî û vat: “Meqamê tirkî wa cade rojnamegeranê kurdan vera bidê, malzemeyanê ke dest nîyabi ser apey bidê rojnamegeran û hînî bi sûcdarîyanê bêbingeyîyan çapemenîya kurdî tacîz nêkerê.”
