Edîtorê beşa erebî ya ajansa Rojnewsê Silêman Ehmed roja 1’ê cotmeha 2023’yan ji bo serdanê çûbû cem malbata xwe ya li taxa Şêxmeqsûd a Helebê. Silêman roja 25’ê cotmeha 2023’yan dema xwest di deriyê Pêş Xabûr (Sêmalka) re derbasî Başûr bibe, ji aliyê hêzên PDK’ê ve hat revandin û 190 rojin agahî jê nayê girtin. Komîteya Parastina Rojnamegeran (CPJ) û Komîteya Mîna di çarçoveya aqûbeta Rojnamevan Silêman Ehmed were pirsîn de, daxwazek lezgîn pêşkêşî Komîteya Windakiriyan a Neteweyên Yekbûyî (NY) kirin.
CPJ di malpera xwe ya fermî de ragihand ku di 12’ê nîsanê de bi hemahengiya li gel Komîteya Parastina Mafan a Mîna, daxwazek lezgîn pêşkêşî Komîteya Windakiriyan a Neteweyên Yekbûyî kirine û daxwaz kirine ku aqûbeta rojnameger Silêman Ehmed were aşkerakirin.
Hate destnîşankirin ku rojnameger Ehmed piştî serdana malbata xwe ya li Sûriyeyê kir û vegeriya Herêma Kurdistanê hate girtin û ji wê demê de desthilatdaran cih û tometa ku ‘ger hebe’ li ser aşkera nekirine.
Hêjayî gotinêye ku tevî bi caran malbat û parêzerên rojnameger Silêman Ehmed ji bo hevdîtinê û agahî girtina ji rewşa Silêman Ehmed serlêdan kirine jî, lê PDK rê nade.
