Dadgeriya Înfazê ya 1’an a Bûrsayê, qedexeya çûyîna Îmraliyê ya parêzeran dirêj kir. Ji 20’ê tîrmeha 2016’an heta niha çûyîna parêzeran hatiye qedexekirin
Rêberê Gelê Kurd Abdullah Ocalan ji 27’ê tîrmeha 2011’an ve nikare bi parêzerên xwe re û ji 5’ê Nîsana 2015’an ve jî nikare bi Heyeta Îmraliyê re hevdîtinê pêk bîne.
Li ser daxwaza Serdozgeriya Komarê ya Bûrsayê, Dadgeriya Înfazê ya 1’an a Bûrsayê careke 6 mehan çûyîna Îmraliyê li parêzerên Ocalan qedexe kir. Piştî qedexeyên fiîlî ji 20’ê tîrmeha 2016’an heta niha 4 caran û her carê 6 meh çûyîna parêzeran hatiye qedexekirin. Di biryarê de “Nexeşerê”, cezayên hucreyê yên di sala 2005’an û piştî wê wekî hincet tên nîşandan.
Dadgeriyê di 6’ê Îlona 2018’an de jî der barê Ocalan û Hamîlî Yildirim, Omer Hayrî Konar û Veysî Aktaş ku li Îmraliyê girtî ne heman biryar girtibû. Dadgeriyê di biryara xwe de diyar kiribû ku parêzer heta 6 mehan nikarin bi muwekîlên xwe yên li Îmraliyê re hevdîtinê pêk bînin. STENBOL
