Şûbeyê Îzmîrî yê DADî seba 2 domanê way û birayê yewbînan Ayaz û Nupelda Gulogluye ke netîceyê teqayîşê muhîmatêko eskerî de cuya xo vindî kerdbî, eşkerayî da. Eşkerayî de bale ancîya hedîseyî ser û wina ame vatene: “Pakîya bi desan hezar mayînanê ke herre de ameyî romitene wezîfeyê wijdan û huqûqî ya.”
Komeleya Elewêyê Demokratîke (DAD) ya Şûbeyê Îzmîrî derheqê kiştişê 2 domanê way û birayê yewbînan Ayaz û Nupelda Gulogluye ke qezaya Pulurî ya Dêrsimî de netîceyê teqayîşê muhîmatêko eskerî de cuya xo vindî kerdbî, eşkerayî da. DAD awanîya şûbeyê xo de eşkerayî da çapemenî. Eşkerayî de rayîrberê HDPyî û Partîya Ameyoxê Çepgir û Keskan zî hadre bî. Sewbîna xeylê temsîlkarê rêxistinê komelkî zî tewrê eşkerayî bîyî.
Nameyê komeleyî ser Rayîrberê Şûbeyê Îzmîrî yê DADî Zeynel Bozkurtî eşkerayî da û ard ziwan ke Pakîya 10 hezar mayînanê ke herre de ameyî romitene wezîfeyê wijdan û huqûqî ya û va: “Ganî şero ke bîyo sebebê mergê Ayaz û Nupeldaye peynî bibo. şarê Tirkîye êdî nêeşkeno travmayanê şerî wedarno. Ma veng danî her kesî ke seba cuye bi hawayo hîssin têbigêrî û umidê cuya hempar xurt bikerî.” ÎZMÎR
