Dadgehê bi îdiaya ku ‘heqaret li serokkomar û serokwezîrê berê Ahmet Davûtoglû kiriye’ 2 sal û 17 roj cezayê hepsê li rojnameger û nivîskarê malpera me Hakki Boltan birî.
Danişîna doza Boltan li 12’emîn Dadgeha Cezayê Asliyê ya Amedê pêk hat. Dozger xwest li Boltan cezayê bê birîn. Parêzerê Boltan, Resûl Tamûr parastin kir û diyar kir ku wê dema Boltan daxuyanî da Serokê Cemiyeta Rojnamegerên Azad bû û wiha got: “Wê demê li ser rojnamegeran zextên giran hebûn. Boltan ji heqaretê wêdetir wezîfeya berpirsiyarên dewletê bi bîra wan xistiye.”
Tamûr xwest miwekîlê wî bê beraetkirin.
Heyeta dadgehê jî daxwaza dozger erê kir û daxwaz parêzer red kir. Dadger bi îdiaya ‘heqaret li serokkomar hatiye kirin’ salek û 2 meh û 17 roj û bi îdiaya ‘heqaret li Serokwezîr kiriye’ jî 10 meh cezayê hepsê li Boltan birî. AMED
