Dadgehê 10 meh ceza li Rojnameger Gokhan Oner birî. Gokhan ji sucdariya “Endamtiya rêxistinê” jî beraet kir
3’emîn danişîna doza Nûçegîhanê Ajansa Nûçeyan a Dicle (DİHA) ya bi KHK’ê hat girtin Gokhan Oner li 2’emîn Dadgeha Cezayên Giran a Denîzliyê hat dîtin. Danişina doza ku Mehmet Diler, Erol Beler, Muhlis Kayar û Eyyup Hansu jî li gel Oner bi îdîaya “Endamtiya rêxistinê ne” tên darizandin pêk hat. Oner û kesên li gel Oner tên darizandin tev li danişînê nebûn. Parêzerên Oner amede bûn. Piştî nasname xwendin, dozger mutala xwend.
Dozger diyar kir ku delîlên ku Oner endamê rêxistinê ne têr nake û xwest Oner ji doza “Endamtiya rêxistinê” beraet bike. Dozger xwest Oner bi nûçeyên di DÎHA de weşandine ji “propaganda rêxistinê” bê cezakirin. Parêzerê Oner Demîrbag xwest sucdariya endamtiyê bê rakirin û Oner neyê cezakirin.
Heyete piştî navber da danişînê li Oner bi îdîaya propaganda kiriye 10 meh ceza birî û heta 5 salan taloq kir. AMED
