Danişîna doza 6 rojnamegerên ku ji ber e-maîl ên Wezir Berat Albayrak kirin nûçe û doz li wan hat vekirin hat dîtin. Danişina doza 6 rojnamegeran dîsa taloq kirin
Danişîna doza 6 rojnamegerên ku nûçe der barê e-maîl ên wezirê maliyê Berat Albayrak de çê kiribûn û wekî Redhackê tên tên darizandin, li 29’emîn Dadgeha Cezayên Giran a Stenbolê pêk hat. Rojnameger Derya Okatan, Tûncay Ogreten, Mahîr Kanaat û Eray Saygin ên serbest tên darizandin li salona dadgehê amade bûn. Rojnameger Metîn Yoksu bi SEGBÎS’ê tev li danişînê bû. Rojnameger Omer Çelîk jî ji ber pirsgirêkên teknîki bi riya SEGBİS’ê nekarîbû tev li danişînê bibe.
Di danişînê de parêzer Ozcan Kiliç, xwest muwekilên wî Omer Çelîk û Yoksu variste bên girti nû carek din pêdivî bi tevlêbûna wan a dadgehê tune be. Dîsa xwest alav û amûrên wan ên dijîtal paşve bidin wan.
2 rojnameger vareste kirin
Heyetê piştî navberê biryar da. Heyetê biryar da ku şertên qedexeya derketina dervê welat berdewam bike. Dîsa daxwaza vareste ya ji bo Metin Yoksu û Derya Okatan qebûl kir. Biryar da ku Omer Çelîk di danişînek din de dîsa bi SEGBÎS’ê tev li danişînê bibe. Dadgehê xwest imajên malzemeyên teknîk û dijîtal temam bikin û paşve bidin. Danişîn taloqî 24’ê îlonê kir. STENBOL
