Dadgehê der barê parlamenterê HDP’ê yê Colemêrgê yê berê Abdullah Zeydan de biryara tehliyeyê da
Parlamenterê Partiya Demokratîk a Gelan (HDP) ê berê yê Colemêrgê Abdullah Zeydan ku ji 4’ê mijdara 2016’an ve di Girtîgeha Tîpa F ya Edîrneyê de dihat girtin, hate tehliyekirin. Der barê mijarê de parêzer Mahsûnî Karaman li ser hesabê xwe yê medyaya civakî biryara tehliyeyê ya der barê Zeydan de ragihand.
Parêzerên Zeydan, Mahsunî Karman û Mûrat Arksak di 25’ê cotmehê de bi daxwaza ‘Înfaz bila bê rawestandin’ û ‘Dosyayê bişînin temyîzê’ serî li 5’emîn Dadgeha Cezayên Giran a Amedê dabûn. Serlêdana parêzeran hate qebûlkirin.
Zeydan û hevserokê HDP’ê yê berê Selahattîn Demîrtaş di heman hucreyê de diman. STENBOL
