Endamê HDP’ê Yûsûf Ateş, Salîh Cansever û Abdulhalîk Kurt ên li avahiya HDP’ê ya Amedê ketin greva birçîbûnê û di 14’ê adarê de cara sêyemîn hat binçavkirin, sewqî edliyê kirin. Heyeta dadgehê piştî li ifadeya Yûsûf Ateş guhdar kir der barê wî de biryara girtinê da. Endamên HDP’ê Salih Cansever û Abdulhalik Kûrt jî serbest berdan
Di 3’ê adarê de Parlementera HDP’ê Dersim Dag û 5 endamên HDP’ê dest bi grevê kiribûn. Polîsan 5 endam binçav kirin û piştî 4 rojan serbest berdan. Di 8’ê adarê de li gel Parlamentera HDP’ê Dersim Dag, Parlamenterên HDP’ê yên Wanê Tayîp Temel û Mûrat Sarisaç û endamên HDP’ê Sevîcan Yaşar, Salîh Cansever, Îsmet Yildiz, Salîh Tekîn, Bîlal Ozgezer, Abdulhalîk Kûrt û Yûsûf Ateş li avahiya HDP’a Amedê li dijî tecrîda li ser Rêberê Gelê Kurd Abdullah Ocalan çalaki berdewam kirin. Dîsa polîsan bi ser avahiya HDP’ê de girt û ji xeynî parlementerên di greva birçîbûnê de 7 çalakgerên din binçav kiribûn. 7 çalakgerên ku di 8’ê adarê de hatin binçavkirin sewqî Edliyeya Amedê hatin kirin. Li dozgeriyê Abdulhalîk Kûrt, Yûsûf Ateş û Salîh Cansever hatin berdan û Sevîcan Yaşar, Îsmet Yildiz, Salîh Tekîn û Bîlal Ozgerçer jî bi îdiaya “endamtiya rêxistinê” sewqî dadgehê hatin kirin û dadgehê biryara girtina wan da.
Di serdegirtina duyemîn de Abdulhalik Kurt, Yûsûf Ateş û Salih Cansever di 12’ê adarê de serbest hatibûn berdan û dîsa li avahiya HDP’ê çalakia xwe berdewam kiribûn. Polîsan di 14’ê adarê serê sibê dîsa bi ser avahiya HDP’ê ya Amedê de girtibû û Salih Cansever, Abdulhalik Kurt ve Yûsûf Ateş, binçav kiribûn. Endamên HDP’ê îro sewqî edliyê kirin û bi îdîaya “Endamtiya rêxistinê” 3 kes sewqî dadger kirin. Heyeta dadgehê jî bi îdîaya “Endamtiya rêxistinê ” Yûsûf Ateş girt û Cansever û Kurt jî hepsa malê dan wan û berdan. AMED
