Dadîyê Şemeyî û aktîvîstanê heqanê merdiman Meydanê Galatasarayî de hewteyê 981. de aqîbetê birayan Emîn û Mehmet Findikî û Omer Kartalî pers kerd.
Avûkate Jîyane Tosun eşkerayîye wende û vat: ”31ê çeleyê 1995î de Silopîya de Fermandarîya Cendirmeyan seba îfadegirewtişî venga Mehmet Findikî da ke wa şoro qereqolî. Mehmet Findik birayê xo Omer Findil û Omer Kartalî reyde şi qereqolî. La dima nînan ra xeberêke zî nêameye girewtene. Merdimanê înan qereqolî ra aqîbetê înan pers kerd la leşkeran vato ‘Înan ma rê elik ard dima ê şîyî.’ Dewijan dima ancî şi qereqolî la leşkeran guleyî verdayî dewijan ser.
Wesayîtê Mehmet Findilî dima mudirîya asayîşî ra 300-400 metre dûrî de dîya. Keyeyan seba merdimanê xo muracatê xeylêk cayan kerd la hema zî Mehmet Findik, Omer Findik û Omer Kartalî ra xeberêke çin a.”
Dima Komîsyonê Şubeyê Îstanbulî yê ÎHDyî ra Sebla Arcan qisey kerd û derheqê endamê MÎTî Mehmet Eymuro ke ewro merdo de vat: ”O kesêko hol nêbi. Eymur mesuldaran û aktoranê dejanê Dadîyê Şemeyî ra yew o.”
Dima dadîyan binê ablûqaya polîsan de qeranfîlî nayo ro.
