Daxuyaniya Navenda Ragihandin û Çapemeniyê ya HPG’ê wiha ye:
“Agahiyên berfireh ên li ser êrîşên artêşa tirk a dagirker bi vî rengî ne:
Li herêma Zapê;
12’ê adarê saet di 11:50’î de dagirkeran êrîş birin ser Qada Berxwedanê ya Girê Cûdî û hêzên me jî ji bo xwe biparêzin bersiv dan, derb li dagirkeran xistin.
Êrîşên artêşa tirk a dagirker;
12’ê adarê li Metînayê qadên Girê Çarçêl, Serê Metîna û derdora gundê Şelazê, li Zapê qada Geliyê Balinda û li Xakurkê jî derdora Çemê Lolanê 10 caran bi balafirên şer hatin bombekirin.
12’ê adarê li Qadên Berxwedanê yên Girê Cûdî û Girê FM’ê, li Qadên Çemço û Sîdayê çeperên me yên berxwedanê 36 caran bi helîkopterên êrîşê, obus, tank û çekên giran hatin bombekirin.”
