Serokê partiya Demokratan û Yekîtiya Serxwebûnxwazan (UDI) a Fransiz Jean-Chrîstophe Lagarde got dagirkeriya Tirk peyama cîhana Rojava ye ku dibêje, ”îxaneta li hevalbendên me mîsoger e”.
Wekîlê Herêma Seîne-Saînt Denîsê Lager peymana 10’ê Cotmehê ya di navbeyna dewleta Tirk û DYA’yê de ya li ser dagirkirina Bakur û Rojhilatê Sûriyê di televizyona Cnews de şîrove kir.
Lagerde got, ”Ez îdîa dikim Tirk mîna li Qibrisê wê 50 salî dî jî bimînin.”
Peyama rojava: îxaneta li hevalbendên me ye
Lagerde got dagirkeriya Tirk ”peyama Rojava ye ku daye cîhanê” û diyar kir bê ka ev peyam çiye: ”Di şerekî de hevalbendiya bi me re, hema hema dibe mîsogeriya bêbextîkirinê û piştî şer jî mirov pişta xwe bide wan. Dostên me û hevalbendên me (Kurd) DAÎŞ têk birin. Ên ku DYA’yê îxanet li wan kirî û Ewropiyan ew neparastin ew in.”
Ji bo guşaran êdî pir dereng e
Lagerde her wiha got êdî pir dereng e ku guşar li ser Tirkiyê werin kirin û got, ”Rojên pêşî gelek derfet hebûn ku Ewropa li ser Tirkiyê, li ser Erdogan zexteke zêe bike.”
Lagerde her wiha got, ”Hêzek ku dikare vê bike ne Ewropaya federal e” û domand, ”Em li Ewropayê mîna ku li cîhaneke bêkêmasî bin jiyana xwe didomînin” û li dijî temaşevanbûnê helwest nîşan da.
Lagerde her wiha got ji vegera pêkan DAÎŞ’iyên ku ji dest QSD’ê reviyan a ber bi Ewropayê ve wê Serokê DYA’yê Donald Trûmp berpirs be. PARÎS
