Çeteyên DAIŞ’ê êrîş birin ser gundê Avahiya Mansur a li herêma Heftexarê ya li navçeya Daqoq a Kerkûkê. Di êrîşê de gundiyek hate kuştin, 4 jî birîndar bûn
Çeteyên DAIŞ’ê ku demeke li derdora Kerkûkê ji nû ve kein nava liv û tevgerê, êrîşî gundên Avahiya Mansurê yê li herêma Heftexarê ya navçeya Daqoq a Kerkûkê kirin. Gundiyan bersiv dan çeteyan û di navbera çeteyên DAIŞ’ê û gundiyan de şer derket. Di şer de gundiyê bi navê Herdî Saman jiyana xwe ji dest dan, 4 gundî jî birîndar bûn. Ji ber ku gundiyan li ber xwe dan, çeteyên DAIŞ’ê zeviyên gund şewitandin. Gund di bin kontrola ewlekariya artêşa Iraqê de ye lê belê hêzên artêşê û polîsên federal li gund nebûn.
Di nava du saetên şerê navbera gundiyan û çeteyên DAIŞ’ê de hêzên artêşa Iraqê ji bo piştgiriya gundiyan neçûn herêmê. Komek ji ciwanên Kerkûkê ji bo alîkariyê bidin gundiyan çûn gund.
Çeteyên DAIŞ’ê berî hefteyekê ji heman gundî di bin navê zekatê de pere xwestibûn. KERKÛK
