Çeteyên DAÎŞ’ê doh bi şev li bajarê Tîkrîtê yê Iraqê êrîş kir. Di encama êrîşê de ji artêşa Iraqê û hêzên Heşdî Şabî pênc kes mirin.
Êrîşên çeteyên DAÎŞ’ê yên li Iraqê didomin. Çeteyên DAÎŞ’ê ku beriya niha li Kerkûkê, Daqoqê, Xurmatû, Celawla û Diyalayê êrîş kirin, doh bi şev li Tîkrîtê êrîşî artêşa Iraqê û hêzên Heşdî Şabî kirin. Êrîş li herêma Mikeşife ya li başûrê Tîkrîtê pêk hat û ji artêşa Iraqê û Heşdî Şabî pênc kes mirin.
Li diyalayê xefika bombeyî
Li bajarê Şareban ê Diyalayê jî bombeya ku li rê hatibû bicihkirin teqiya. Ji ber teqînê tiştek bi kesî nehat.
Ji bo di dema bîranînên Aşûreyê de ku her sal meha Mûharemê tên kirin êrîş rû nedin, tedbîrên ewlekariyê hatin xurtkirin. Bi vê armancê gelek leşker û polîs ji çar bajaran re hatin şandin.
Li gorî biryara Fermandariya Operasyonên Firatê ya Navîn, li bajarên Babîl, Kerbela, Necef û Dîvaniye yên Iraqê kontrol tên mezinkirin. TÎKRÎT
