Çete û serçeteyê DAIŞî yê ke tewrê leşkeranê tirkî tewrê hêrişanê vera rojawanê Kurdistanî bîyî, kom bi kome agêrenî Girê Spî û Serêkanîyê. Ame resnayene ke tewrê serçeteyan xeylê çete û keyeyê înan agêrenî Girê Spî
Dewleta tirkî ya dagirkere û çeteyê girêdayeyê aye DAIŞ, El Nusra û OSOyî 9ê teşrîna verêne rê nata hêrişê rojawanê Kurdistanî kenî. Dewleta tirkî şer de tewr zêde çeteyanê DAIŞ û El Nusrayî xebetena. Belgeyê pêkerdiş û pîya têgêrayîşê înan roj bi roj zêde benî û yenî parekerdene. Goreyê çimeyanê Girê Spî çete Xesan Xelîlo ke serçeteyê verên yê DAIŞî bî tewrê leşkeranê dewleta tirkî agêrayo Girê Spî.
Çimeyê xebere da zanayene ke çete Xesan Xelîlî bajarokê Hemam Tirkmen yê Girê Spî ra yo û serçeteyêk DAIŞî yî. Çeteyê DAIŞî badê ke şervanê Hêzê Sûrîyeya Demokratîke (HSD) dewanê Dêrazorî xelisnayî, remaybî dewleta tirkî. Çime dîyar kerd ke çete Xesan Xelîlî sey serçeteyê komek dewleta tirkî reyde hêrişê rojawanê Kurdistanî kerd û dewleta tirkî reyde derbazê Girê Spî bîyo.
Çeteyan tecawizê cinîyêk kerd
Derbazbîyayîşê çeteyan yê Girê Spî reyde binpaykerdişê vera sivîlan zî zêdîyayî. Çime derheqê babete de wina va: “Çeteyan dest eştî cinîyêka bi nameyê Kerma Dodane û heqaret bi aye kerdî. Kerme Dodane hemwelatija bajarokê Hemam Tirkmenî ya.” Eynî wext de çeteyê DAIŞî yê ke remayî zî bi dagirkerîya dewleta tirkî reyde reyna tepîya agêrayî Girê Spî. Çime da zanayene ke ‘emîrê zexîreyan’ yê DAIŞî Îsmaîl Îdo tewrê 150 DAIŞijan agêrayo Girê Spî.
DAIŞijî yew bi yew agêrenî Girê Spî
Sewbîna endamê keyeyê El Belo yê DAIŞî zî tepîya agêrayî Girê Spî. Na xebere hetê Merkezê Çimeyan yê Heqê Merdiman ra ameye tesdîqkerdene. Sewbîna serçeteyç DAIŞî Xalid Bin El Welîdo ke çepemenîya DAIŞî de ca girewtêne û dîmenanê qurbanîyê kortikê El Hoyayî ke wextê serwerîya DAIŞî de ame antene zî agêra Girê Spî. No serçete lajê datîzayanê yewin yê emîrê DAIŞî yê Girê Spî Xelef El Helosî yo. GIRÊ SPÎ
