Navenda Nûçeyan | Evîndar Oruç a ku di doza Hevseroka KCD’ê Leyla Guven de îfade li ser dabû bi SEGBÎS’ê tevlî daneşîna 12’mîn bû û diyar kir ku ji ber polîsan jê re gotine, “Leya Guven teşhs bike wê dozger bi te re alîkar be” girtek îmeze kiriye.
Daneşîna 12’emîn a doza ku Derbarê Hevseroka Kongreya Civaka Demokratîk (KCD) Leyla Guven de bi îdaya “rêvebertiya rêxistinê” hatbû vekirin li 9’emîn Dadgeha Cezayê Giran a Amedê hat dîtin. Leyla tevli daneşînê nebû lê parêzerên wê tevli bûn. Evîndar Oruç a ku ji bo li ser Leylayê îfadeyê bide jî bi rêya SEGBÎS’ê tevli daneşînê bû.
‘Min xwest ji îfadê rizgar bibim’
Di destpêka daneşînê de Evîndar Oruç mafê axafitn girt û got, “Ez Leyla Guven wekî parlamenter nas dikim û bi tu awayekî din nas nakim. Ez nizanim ku têkiliya Leylayê bi PKK’ê re heye ya na. Piştî li Sûriyeyê birîndar bûm hatim Tirkiyeyê û jinek bi navê Leyla ez birim tedawî kirim. Ew Leylaya min nas kir ne ev Leyla ye. Ez 2-3 mehan di nava nivînan de mam. Ez birim Stenbolê. “Polîsan ji min re gotin ‘tu Leyla Guven teşhîs bike, dozger wê ji te re bibe alîkar’. Ji bo bibin alîkarê min, min jî girtek îmze kir. Leylaya ku ez birim Stenbolê û Leyla Guven ne yek in.”
Heyeta dadgehê jî piştî navbereke kurt biryara dozê taloqî 18’ê Mijdarê bike. AMED
