Li gorî daneyên TUÎK’ê di meha nîsanê de rêjeya bêkariyê bûye ji sedî 13 û hejmara bêkaran jî bûye 4,2 milyon kes
Saziya Îstatîskan a Tirkiyeyê (TUÎK) daneyên bêkariyê yên meha adar, nîsan û gulanê aşkera kir. Li gorî daneyan rêjeya bêkariyê li gorî sala borî ji sedî 9,6 derketiye ji sedî 13’an.
Hejmara bêkaran jî li gorî sala borî milyonek û 116 hezar kes zêde bûye. Li gorî daneyan 4 milyon û 202 hezar kes bêkar in.
Hejmara kesên hatine îstîhdamkirin jî li gorî sala borî 810 hezar kes kêm bûne.
Di sektora çandinîyê de 329 hezar û di sektorên derveyî çandinîyê de jî 481 hezar kes kêm bûne.
Yên ku bêyî ewlekariya civakî dixebitin jî rêjeya wan bûye ji sedî 34,2 ye.
