Danişîna doza rojnameger Ziya Ataman dê sibe li 1’emîn Dadgeha Cezayên Giran a Şirnexê bê dîtin. Ataman ku ev 3 salin girtiye û di 1’ê adarê de dest bi greva birçîbûnê kiribû, duh beşdarî danişînê nebû
Danişîna 7’emîn a doza nûçegihanê Ajansa Nûçeyan a Dîcleyê (DÎHA) a bi Biryarnameya di Hukmê Qanûnê de (KHK) hatiye girtin Ziya Ataman ku ji 11’ê nîsana sala 2016’an ve girtiye, dê sibe li 1’emîn Dadgeha Cezayên Giran a Şirnexê bê dîtin. Di doza ku Ataman jî tê de tê darizandin, 9 jê girtî bi giştî 19 kes tên darizandin.
Ataman ê li Girtîgeha Tîpa M ya Wanê tê girtin û ji ber ku roviyên wî têkçûne tê dermankirin, di 1’ê adarê de dest bi greva birçîbûnê ya ji bo rakirina tecrîda li ser Rêberê Gelê Kurd Abdullah Ocalan kiribû. Ataman ji ber ku di greva birçîbûnê de bû, beşdarî danişînê nebû. Ataman ê duh dawî li çalakiya xwe anî, nehat zanîn bê ka dê beşdarî danişînê bibe yan na.
Di doza ku ev 3 salin didome de hemû şahidan diyar kiribûn ku dibin îşkenceyê de îfade dane û îfadeyên di girtekan de bi darê zorê hatine îmzekirin. Li gel vê yekê jî Ataman nayê berdan. Li bendê ye ku dadgeh di danişîna dawî ya bê dîtin de, mutale ji dozger bixwaze ku der barê biryara girtina girtiyan de, biryar bide. ŞIRNEX
